ಜಪಾನಿನಲ್ಲಿ ಕಸ ವಿಲೇವಾರಿ

ಕಸ ಅನ್ನೋದು ಎಷ್ಟು ಸಮಸ್ಯೆ ಆಗಿದೆ ಅಲ್ವಾ. ಬೆಂಗಳೂರಿನಲ್ಲಿ ಎಲ್ಲಿ ಅಂದರಲ್ಲಿ ಕಸ. ನಗರದಲ್ಲಿ ಡೆಂಘೀ, ಮಲೇರಿಯಾ, ಹಕ್ಕಿಜ್ವರದಂತಹ ಮಾರಣಾಂತಿಕ ಕಾಯಿಲೆಗಳು ಉಲ್ಬಣಗೊಂಡಿದ್ದು, ಪರಿಸ್ಥಿತಿ ಇದೇ ರೀತಿ ಮುಂದುವರೆದರೆ ಮತ್ತಷ್ಟು ಸಾಂಕ್ರಾಮಿಕ ರೋಗಗಳು ಸೃಷ್ಟಿಯಾಗುವ ಸಾಧ್ಯತೆಗಳಿವೆ. ನಗರದ ಕೆಲವು ಪ್ರದೇಶಗಳಲ್ಲಿ ಜ್ವರ ಪ್ರಕರಣಗಳು ಹೆಚ್ಚುತ್ತಿದೆ, ಆದರು ಕೂಡ ನಮ್ಮ ಜನ ತಲೆ ಕೆಡಿಸಿಕೊಳ್ಳದೆ ಆರಾಮ ಆಗಿ ಇರ್ತಾರೆ. ಕಸದಿಂದ ಸಾಕಷ್ಟು ಪಾಠ ಕಲಿತಿರುವ ಬಿಬಿಎಂಪಿ, ಕಡೆಗೂ ಕಸದಿಂದ ರಸ ಉತ್ಪಾದಿಸಬಹುದೆಂಬ ಕಟುಸತ್ಯಕ್ಕೆ ಜೋತುಬಿದ್ದಿದ್ದು, ಈ ನಿಟ್ಟಿನಲ್ಲಿ ಜನರಲ್ಲಿ ಜಾಗೃತಿ ಮೂಡಿಸುವಸಲುವಾಗಿ ಹಲವು ಕಾರ್ಯಕ್ರಮಗಳನ್ನು ಹಮ್ಮಿಕೊಳ್ಳುತಿದ್ದಾರೆ. ಬೆಂಗಳೂರು ಎದುರಿಸುತ್ತಿರುವ ಸಮಸ್ಯೆಗಳಲ್ಲಿ ತ್ಯಾಜ್ಯವಿಲೇವಾರಿ ಒಂದು ಗಂಭೀರ ಸಮಸ್ಯೆಯಾಗಿದ್ದು, ಸ್ವಚ್ಛ ಬೆಂಗಳೂರು ನಿರ್ಮಾಣಕ್ಕೆ ಇದು ಅಡ್ಡಿಯಾಗಿದೆ. ದಿನಂಪ್ರತಿ ಈ ಊರಲ್ಲಿ ಉತ್ಪತ್ತಿಯಾಗುವ 30,000 ಟನ್‌ ತ್ಯಾಜ್ಯವನ್ನು ವಿಲೇವಾರಿ ಮಾಡುವುದು ಒಂದು ದೊಡ್ಡ ಸವಾಲು. BBMP ಮತ್ತು ಸರ್ಕಾರ, ತ್ಯಾಜ್ಯ ವಿಲೇವಾರಿಗಾಗಿ ಕೋಟ್ಯಾಂತರ ರೂಪಾಯಿ ಹಣ ಚೆಲ್ಲುತ್ತಿದೆ. ಖಾಸಗೀ ಗುತ್ತಿಗೆದಾರರ ಸಹಾಯದೊಂದಿಗೆ ಅದೇನೇನೋ ಸರ್ಕಸ್‌ ಮಾಡುತ್ತಿದೆ. ಆದರು ಅಷ್ಟೊಂದು ಯಶಸ್ಸು ಕಂಡುಬರುತ್ತಿಲ್ಲ. ನಮ್ಮ ಬೆಂಗಳೂರಿನ ಈ ಸಮಸ್ಯೆಯ ಬಗ್ಗೆ ವಾರ್ತೆಗಳಲ್ಲಿ ನೋಡಿ ನೋಡಿ ನನಗೆ ಜಪಾನಿನಲ್ಲಿ ಕಸ ವಿಲೇವಾರಿ ಹೇಗೆ ಮಾಡುತ್ತಾರೆ ಮತ್ತು ಇಲ್ಲಿನ ಸ್ವಚ್ಚತೆಯ ಬಗ್ಗೆ ಬರೆಯಬೇಕೆನ್ನಿಸಿತು. 

ಜಪಾನ ಸ್ವಚ್ಚತೆಗೆ ಎಷ್ಟು ವರ್ಣಿಸಿ ಹೇಳಿದರು ಸಾಲದು. ಇಲ್ಲಿಯ ಜನರು ತುಂಬಾ ದೇಶಾಭಿಮಾನ ಹೊಂದಿದ್ದಾರೆ. ಪ್ರತಿಯೊಬ್ಬ ಸಾಮಾನ್ಯನು ಕಾನೂನಿನ ನಿಯಮಗಳನ್ನು ನಿಷ್ಟೆಯಿಂದ ಪಾಲಿಸುತ್ತಾನೆ. ಜಪಾನಿನಲ್ಲಿ ಮುಕ್ಯವಾಗಿ ಕಂಡುಬರುವುದೆನೆಂದರೆ ಸಾರ್ವಜನಿಕ ಸ್ಥಳಗಳಲ್ಲಿ ಎರಡು ವಿದವಾದ ಕಸದ ಡಬ್ಬೆಗಳನ್ನು ಇಟ್ಟಿರುತ್ತಾರೆ. ಒಂದು ಸಾಮಾನ್ಯ ಕಸವನ್ನು ಹಾಕಲು, ಮತ್ತೊಂದು ಮರುಬಳಕೆ ಮಾಡುವ ವಸ್ತುಗಳು ಹಾಕಲು, ಉದಾ: ಬಾಟಲಿಗಳು, ಪ್ಲಾಸ್ಟಿಕ್, ಗಾಜು, ಲೋಹದವಸ್ತುಗಳು. ಪ್ರತಿ ಮನೆಲಿ ಕೂಡ ಇದೆ ರೀತಿ ಬೇರೆ ಬೇರೆಯಾಗಿ ವಿಂಗಡಿಸಿ ಇಡಲಾಗುವದು. ನಿಗದಿಪಡಿಸಿದ ದಿನದಂದು, ದಿನದ ಕಸ ಮತ್ತು ಮರುಬಳಕೆ ತ್ಯಾಜ್ಯವನ್ನು ಸಂಗ್ರಹಿಸಲಾಗುತ್ತದೆ. ವೇಳೆಗೆ ಸರಿಯಾಗಿ ಪಾಲಿಕೆಯ ಪೌರ ಕಾರ್ಮಿಕರು ಬಂದು ಕಸವನ್ನು ತೆಗೆದುಕೊಂಡು ಹೋಗುವರು. ವಿಷಕಾರಿ ಮತ್ತು ಅಪಾಯಕಾರಿ ವಸ್ತುಗಳನ್ನು ಕೂಡ ಪ್ರತ್ಯೇಕವಾಗಿ ವಿಲೇವಾರಿ ಮಾಡಲಾಗುವದು.

ನಮ್ಮ Kitakyushu ನಗರದಲ್ಲಿ ಕಸವನ್ನು 4 ರೀತಿಯಲ್ಲಿ ವಿಂಗಡಿಸಿ ಸಂಗ್ರಹಿಸಲಾಗುತ್ತದೆ (ದಿನದ ತ್ಯಾಜ್ಯ, ಕ್ಯಾನ್/ಗ್ಲಾಸ್ ಬಾಟಲಿಗಳು, ಮರುಬಳಕೆ ಪ್ಲಾಸ್ಟಿಕ್ ಬಾಟಲಿಗಳು ಮತ್ತು ಪ್ಲಾಸ್ಟಿಕ್ ವಸ್ತುಗಳು). ಕಸ ಹಾಕಲು 4 ಬಣ್ಣದ ಪ್ಲಾಸ್ಟಿಕ್ ಚೀಲಗಳು ಇರುತ್ತವೆ. ಅವುಗಳನ್ನು ನಾವು ಅಂಗಡಿಗಳಲ್ಲಿ ಕರಿದಿಸಬೇಕು. ನೀಲಿ ಬಣ್ಣದ ಚೀಲದಲ್ಲಿ ದಿನದ ತ್ಯಾಜ್ಯ, ಕಂದು ಬಣ್ಣದ ಚೀಲದಲ್ಲಿ ಕ್ಯಾನ್/ಗ್ಲಾಸ್ ಬಾಟಲಿಗಳು, ಕೇಸರಿ ಬಣ್ಣದ ಚೀಲದಲ್ಲಿ ಮರುಬಳಕೆ ಪ್ಲಾಸ್ಟಿಕ್ ಬಾಟಲಿಗಳು ಮತ್ತು ಇತರೆ ಪ್ಲಾಸ್ಟಿಕ್ ವಸ್ತುಗಳು ಹಸಿರು ಬಣ್ಣದ ಚೀಲದಲ್ಲಿ ಹಾಕಬೇಕು.

ದಿನನಿತ್ಯದ ಕಸವನ್ನು ವಾರದಲ್ಲಿ ಎರಡು ಬಾರಿ ಸಂಗ್ರಹಿಸುತ್ತಾರೆ (ಸೋಮವಾರ ಮತ್ತು ಗುರುವಾರ) ಮತ್ತು ಉಳಿದವುಗಳನ್ನು ವಾರದಲ್ಲಿ ಒಂದು ಬಾರಿ ಸಂಗ್ರಹಿಸುತ್ತಾರೆ (ಶುಕ್ರವಾರ). ಕಸವನ್ನು ಸರಿಯಾಗಿ ಕಟ್ಟಿ ನಿಗದಿಪಡಿಸಿದ ಸ್ಥಳದಲ್ಲಿ ಇಟ್ಟುಬರುವುದು. ಅದು ಎರಡು ದಿನ ಮುಂಚಿತವಾಗಿ ಇಟ್ಟರೆ ಅದನ್ನು ತೆಗೆದು ಕೊಳ್ಳುವುದಿಲ್ಲ. ಆ ದಿನದಂದು ಯಾವಕಸ ಸಂಗ್ರಹಿಸುವರೋ ಅದನ್ನು ಮಾತ್ರ ಇಡತಕ್ಕದ್ದು, ಮತ್ತೆ ಎಲ್ಲವನ್ನು ಒಂದೇಚೀಲದಲ್ಲಿ ಹಾಕಿ ಇಟ್ಟರೆ ಅದನ್ನು ಅವರು ಮುಟ್ಟುವದಿಲ್ಲ. ದಿನನಿತ್ಯದ ಕಸ ಎಂದರೆ ದಿನನಿತ್ಯದ ಆಹಾರ ತ್ಯಾಜ್ಯ ಮತ್ತು ಇತರೆ ಕಸ. ಸಂಗ್ರಹಿಸಿದ ತ್ಯಾಜ್ಯವನ್ನು ಹೇಗೆ ವಿವಿದ ರೀತಿಯಲ್ಲಿ ಮರುಬಳಕೆ ಮಾಡುತ್ತಾರೆ ಎಂಬುವುದನ್ನು ಕೆಳಗಿನ ಚಿತ್ರದಲ್ಲಿ ಕಾಣಬಹುದು.

ದಿನನಿತ್ಯದ ಕಸವನ್ನು ಅವರು ರಸ ಗೊಬ್ಬರ ತಯಾರಿಸಲು ಉಪಯೋಗಿಸುತ್ತಾರೆ. ಇದಲ್ಲದೆ, ದೊಡ್ಡ ದೊಡ್ಡ ಕಾರ್ಖಾನೆಗಳಲ್ಲಿ ದಿನನಿತ್ಯದ ಕಸವನ್ನು ಹಾಗು ಇತರೆ ತ್ಯಾಜ್ಯವನ್ನು ಸುಟ್ಟು ವಿದ್ಯುತ್ತನ್ನು ಉತ್ಪಾದಿಸುತ್ತಾರೆ ಮತ್ತು ಸುಟ್ಟು ಉಳಿದಂತ ಬೂದಿಇಂದ ರಸ್ತೆ ಮಾಡಲು ಬೇಕಾದ ಮೂಲ ವಸ್ತುಗಳನ್ನು ಮತ್ತು ಇತರೆ ಮರು ಬಳಕೆ ವಸ್ತುಗಳನ್ನು ಮಾಡುತ್ತಾರೆ. ಹಾಗಾಗಿ ಇಲ್ಲಿ ಪ್ರತಿಯೊಂದು ಹಳ್ಳಿಯಿಂದ ಹಿಡಿದು ದೊಡ್ಡ ಪಟ್ಟಣದ ವರೆಗೂ ಬಹಳ ಸ್ವಚ್ಚತೆ ಕಾಣಬಹುದು. ಜನರು ನಡೆದಾಡುವಾಗ, ದಾರಿಲಿ ಏನಾದರು ಕಸ ಬಿದ್ದಿದ್ದರೆ ಅದನ್ನು ಎತ್ತಿ ಕಸದ ತೊಟ್ಟಿಗೆ ಹಾಕುತ್ತಾರೆ. ಅಷ್ಟೊಂದು ಜವಾಬ್ದಾರಿ ಈ ಜಪಾನಿಯರಲ್ಲಿ ಕಂಡುಬರುತ್ತದೆ.

ಸರಕಾರ ಯಾವದೇ ಕಾನೂನು ಜಾರಿಮಡಿದರೂ ನಮ್ಮಲ್ಲಿ ಜನರು ಸರಿಯಾಗಿ ಪಾಲಿಸುವುದಿಲ್ಲ. ಯಾಕೆಂದರೆ ನಮ್ಮ ಜನರಲ್ಲಿ ಭಾವನೆಗಳೇ ಹಾಗಿವೆ. ತಮ್ಮ ಮನೇಲಿರೋ ಕಸ ಹೋದ್ರೆ ಸಾಕು ಏನಾದ್ರು ಮಾಡ್ಕೊಳ್ಳಿ ನಮ್ಮ ಮನೆ ಒಂದು ಸ್ವಚ್ಚವಾಗಿದ್ರೆ ಅಷ್ಟೆ ಸಾಕು ಎನ್ನುವರು. ಸ್ವಚ್ಚತೆಗೆ ಪ್ರತಿಯೊಬ್ಬರ ಪಾತ್ರ ಬಹುಮುಖ್ಯವಾದುದು. ಇದರ ಜ್ಯೋತೆಗೆ ನಮ್ಮ ಸರ್ಕಾರವು ಕೂಡ ಸರಿಯಾದ ಕಸ ವಿಲೇವಾರಿ ಯೋಜನೆಗಳನ್ನು ಕೈಗೊಳ್ಳಲಿ ಮತ್ತು ಆ ಕಸದಿಂದ ರಸವನ್ನು ತೆಗೆಯುವ ಕೆಲಸ ಮಾಡಬೇಕಾಗಿದೆ.

ನಾಗಾಸಾಕಿ Trip

ಡಿಸೆಂಬರ್ 23-2011, ರಂದು ನಾಗಾಸಾಕಿ, ನೋಡಲು ಹೋದೆವು. ಅಂದು ಬೆಳಿಗ್ಗೆ 7-00 ಘಂಟೆಗೆ Orio station ದಿಂದ ರೈಲು. ಅದ್ದರಿಂದ ಸರಿಯಾದ ಸಮಯಕ್ಕೆ ಹೋದೆವು, ಸರಿಯಾದ ಸಮಯಕ್ಕೆ ರೈಲು ಬಂತು ಇಲ್ಲಿ ಸಮಯದ ಶಿಸ್ತಿಗೆ ಬಹಳ ಒತ್ತು ಕೊಡುತ್ತಾರೆ. 7-00 ರ ನಂತರ ಒಂದು ನಿಮಿಷ ಆದರು ನಿಲ್ಲುವದಿಲ್ಲ. ಹಾಗಾಗಿ ಸರಿಯಾಗಿ ರೈಲು ಬಂತು ನಾವು ಮತ್ತು ನಮ್ಮ ಸ್ನಹಿತೆಯ ಕುಟುಂಬ ಒಟ್ಟಿಗೆ ಹೋಗಿದ್ದೆವು.  ಅಂದು ತುಂಬ ಚಳಿ ಸುತ್ತೆಲ್ಲಾ ಮಂಜು ಬಿಳುತಿತ್ತು  ಅದನ್ನು ನೋಡುವುದೇ ಒಂದು ಸಂಭ್ರಮ. ನೋಡನೋಡುತ್ತಲೇ ನಾಗಾಸಾಕಿ ಬಂದೇಬಿಟ್ಟಿತು. ಅಲ್ಲಿಂದ ಮೊದಲು Glover garden ನೋಡಲು ಹೋದೆವು. Thomas Blake Glover ಎಂಬ ಸ್ಕಾಟ್ಲ್ಯಾಂಡ್ ನ ಒಬ್ಬ ವ್ಯಾಪಾರೀ ಈ ಉದ್ಯಾನವನವನ್ನು ನಿರ್ಮಿಸಿದ್ದಾನಂತೆ. ಅದು ಒಂದು ಮೈ ರೋಮಾಂಚನ ಆಗುವ ಸ್ಥಳ. ಬೆಟ್ಟದ ಮೇಲೆ ಅದನ್ನು ಮಾಡಲಾಗಿದ್ದು, ಅಲ್ಲಿ ಹೋಗಿ ನಿಂತರೆಸಾಕು ಕೆಳಗಿನ ಇಡಿ ನಗರವೇ ಸುಂದರವಾಗಿ ಕಾಣುವುದು. ನಂತರ ಒಳಗೆ ಪ್ರವೇಶ ಮಾಡಿದಿವಿ. ಅಲ್ಲಿ ಪ್ರಾಚಿನಕಾಲದ ವಸ್ತುಗಳನ್ನು ಸಂಗ್ರಹಿಸಿಡಲಾಗಿತ್ತು, ಅವುಗಳನ್ನು ನೋಡುತ್ತಲೇ ನನ್ನ ಗಮನ ವಿಶೇಷವಾಗಿ ಪಾಶ್ಚಾತ್ಯ ಉಡುಗೆ ಕಡೆ ಹೋಯಿತು. ಅವುಗಳನ್ನು 500 ಯನ್ ಗೆ 30 ನಿಮಿಷ ಬಾಡಿಗೆಗೆ ಆ ಉಡುಗೆಗಳು ದೊರೆಯುತ್ತಿತ್ತು, ಅದನ್ನು ದರಿಸಿ ಕೆಲವು ಫೋಟೋಗಳನ್ನು ತೆಗೆದುಕೊಂಡು ಸಮಯಮುಗಿಯೋದಕ್ಕೆ ಅವುಗಳನ್ನು ಮರಳಿಸಿದಿವಿ. ಆನಂತರ ಹೊಟ್ಟೆ ತುಂಬಾ ಹಸಿವಾಯಿತು ಎಲ್ಲರೂ ಮನೆಯಿಂದ  ತಂದ ಅಡುಗೆಯನ್ನು ಬಹಳ ಆನಂದದಿಂದ  ಊಟ ಮಾಡಿ, ಸ್ವಲ್ಪ ವಿಶ್ರಾಂತಿ ತೆಗೆದುಕೊಂಡೆವು.

Glover garden 

ನಂತರ Atomic bomb hypo center, Peace Park ಮತ್ತು Atomic bomb museum ನೋಡಲು ಸಾಗಿದೆವು. ನಾವು ಮೊದಲು Hypo Center ಭೇಟಿಕೊಟ್ಟೆವು. ಇದೆ ಜಾಗದಲ್ಲಿ ಅಗಸ್ಟ್ 19, 1945 ರಂದು ಬೆಳಿಗ್ಗೆ 11-02 ಕ್ಕೆ ಅಮರಿಕನ್ನರು ಅಣು ಬಾಂಬ್ ಎಸೆದರು. ಈ ದಾಳಿಯಲ್ಲಿ ೧೫೦, ೦೦೦ ಜನರು ಮರಣಹೊಂದಿದರಂತೆ.

 

 ಬಾಂಬ್ ಎಸೆದ ಸ್ಥಳ.

Atomic bomb museum ನಲ್ಲಿ, ಅಣುಬಾಂಬ ದಾಳಿಯಿಂದಾದ ಅನಾಹುತಗಳು ಮತ್ತು ಮಹತ್ವದ ಐತಿಹಾಸಿಕ ಘಟನೆಗಳನ್ನು ಒಂದು ಕಥೆಯ ರೂಪದಲ್ಲಿ ತೋರಿಸಲಾಗಿದೆ. ಅಣು ಶಸ್ತ್ರಾಸ್ತ್ರಗಳ ಸಂಶೋಧನೆ ಮತ್ತು ಅಭಿವೃದ್ಧಿಯ ಇತಿಹಾಸದ ನೀರುಪಣೆ, ಅಣುಬಾಂಬ ದಾಳಿಯಾ ನಂತರದ ಕರಾಳ ದೃಶ್ಯಗಳ ಛಾಯಾಚಿತ್ರಗಳು, ಅಳಿದುಳಿದ ಸ್ಮಾರಕಗಳು, ಅವಶೇಷಗಳು, ಅರೆಬರೆ ಬೆಂದ ಸಲಕರಣೆಗಳನ್ನು ಮತ್ತು ಪರಮಾಣು ಬಾಂಬ್ ದಾಳಿಗೆ ಸಂಬಂಧಿಸಿದ ದಾಖಲೆಗಳನ್ನು ಪ್ರದರ್ಶಿಸಲಾಗಿದೆ. ಆ ಘಟನೆಯಲ್ಲಿ ಬದುಕಿ ಉಳಿದಂತ ವ್ಯಕ್ತಿಗಳ ಸಂದರ್ಶನದ ವೀಡಿಯೊಗಳನ್ನು ಕೂಡ ತೋರಿಸಲಾಗಿದೆ. ಸಂದರ್ಶನದಲ್ಲಿ, ಅವರು ತಮ್ಮ ಕುಟುಂಬದಲ್ಲಿರುವವರನ್ನು ಕಳೆದುಕೊಂಡ ದುಃಖವನ್ನು ತೋಡಿಕೊಂಡಿದ್ದಾರೆ. 

 

ಅರೆಬರೆ ಸುಟ್ಟ ಬಟ್ಟೆಗಳು

 

ಬಾಂಬ್ ದಾಳಿಯ ನಂತರದ ದೃಶ್ಯ

೧೧.೨ ನಿಮಿಷಕ್ಕೆ ಸರಿಯಾಗಿ ಸ್ಪೋಟವಾದ ಸಮಯವನ್ನು ಈ ಗಡಿಯಾರದಲ್ಲಿ ನೀವು ನೋಡಬಹುದು. 

 

Peace statue ಮುಂದೆ.

ಈ ಐತಿಹಾಸಿಕ ದುರಂತದ ಎಲ್ಲ ಘಟನೆಗಳನ್ನು ನೋಡಿ ಹೊರಗೆ ಬಂದು ಈಗಿನ ನಗರದ ಅಭಿರುದ್ದಿಯನ್ನು ನೋಡಿದಮೇಲೆ ನನಗೆ ಇದೆ ಸ್ಥಳದಲ್ಲಿ ಈ ಘಟನೆಗಳು ಆಗಿದ್ವಾ ಅಂತ ಅನಿಸುತ್ತದೆ. ಯಾಕಂದ್ರೆ ಆ ಸ್ಥಳವನ್ನು ನಾನು ನಿರೀಕ್ಷೆ ಮಾಡಲು ಸಾದ್ಯವಿಲ್ಲ ಅಷ್ಟೊಂದು ಸುಂದರವಾಗಿ ಬೆಳಿಸಿದ್ದಾರೆ. ಈ ನಗರವು ಆರ್ಥಿಕವಾಗಿಯೂ ಕೂಡ ಮುಂದಿದೆ. ನಿಜವಾಗು ಹೇಳ್ಬೇಕು ಅಂದ್ರೆ ಈದು ಒಂದು ಮಾದರಿಯ ರಾಷ್ಟ್ರ.

ಜಪಾನಿನಲ್ಲಿ ನಾವು ಆಚರಿಸಿದ ದೀಪಾವಳಿ

ಅಕ್ಟೋಬರ್ ೨೬ ರಂದು ದೀಪಾವಳಿ ಹಬ್ಬ. ಇದೆ ಮೊದಲಸಾರಿ ಮನೆಯವರನ್ನು ಬಿಟ್ಟು ಆಚರಿಸಿದ ಹಬ್ಬ. ನನ್ನ ಅಣ್ಣಂದಿರು, ಅತ್ತಿಗೆ, ಮನೆಯವರೆಲ್ಲರನ್ನು ತುಂಬಾನೆ miss ಮಾಡ್ಕೊಂಡೆ. ಹೊರಗಡೆ ನೋಡಿದರೆ ಎಲ್ಲ ಶಾಂತ ವಾತವರಣ ಆದರೆ ಭಾರತದಲ್ಲಿ ಇಂದು ಎಲ್ಲರ ಮನೆಯಲ್ಲೂ ಸಂಭ್ರಮ, ಪಟಾಕಿಗಳ ಸದ್ದು, ಎಲ್ಲಿ ನೋಡಿದರು ದೀಪಗಳ ಅಲಂಕಾರ. ಆ ಅನುಭವ ಇಲ್ಲಿ ಹೇಗೆ ಕಾಣಲು ಸಾಧ್ಯ! ಅಂದು ನನ್ನ husband ಸಾಯಂಕಾಲ ಬೇಗಬಂದ್ರು. ಪೂಜೆಗೆ ಎಲ್ಲ ತಯಾರಿ ಮಾಡಿದ್ದೆ. ಹಾಗೆ  ಸಿಹಿ ತಿಂಡಿಗಳು, ಹಲ್ವ, ವಡೆ, ೫ ವಿಧದ ಹಣ್ಣುಗಳು, ಹೂವು ಪೂಜೆ ಮಾಡಲು ಬೇಕಾಗುವ ಎಲ್ಲ ವಸ್ತುಗಳು ತಯಾರಿಯೊಂದಿಗೆ ಪೂಜಾ ಪ್ರಾರಂಭ ಮಾಡಿದೆವು. ದೀಪಗಳಿಂದ ಮನೆಯನ್ನು ಅಲಂಕರಿಸಿ ಲಕ್ಷ್ಮಿ ಪೂಜೆ ಮಾಡಿ ದೀಪಾವಳಿಯ ಹಬ್ಬದ ಸಂಭ್ರಮ ಪಟ್ಟೆವು.

ಅದೇನೋ ಗೊತ್ತಿಲ್ಲ ನಮ್ಮ ಹಬ್ಬಗಳಲ್ಲಿ ಎಸ್ಟೊಂದು ವಿಶೇಷತೆ ಅಲ್ವಾ. ಹಿಂದೂ ಧರ್ಮದ ಜನರು ಪ್ರತಿ ವರ್ಷವೂ ಪ್ರಪ೦ಚದ ಎಲ್ಲೆಡೆ ದೀಪಾವಳಿಯನ್ನು ವಿಜೃ೦ಭಣೆಯಿ೦ದ ಆಚರಿಸುತ್ತಾರೆ. ಹೊಸ ಬಟ್ಟೆಗಳು, ಸಿಹಿತಿ೦ಡಿಗಳು ಎಲ್ಲಕ್ಕೂ ಹೆಚ್ಚಾಗಿ ಪಟಾಕಿಗಳಿಗೆ ದೀಪಾವಳಿ ಪ್ರಸಿದ್ಧ. ಉತ್ತರ ಭಾರತದಲ್ಲಿ ದೀಪಾವಳಿಯ ಸಮಯವೇ ಹೊಸ ಆರ್ಥಿಕ ವರ್ಷದ ಅರಂಬ ದಿನವಂತೆ.  ಹೊಸ ಲೆಕ್ಕದ ಪುಸ್ತಕಗಳನ್ನು ಈ ಸಮಯದಲ್ಲೇ ತೆರೆಯಲಾಗುತ್ತದೆ. ದೀಪಾವಳಿಯ ಅಂಗವಾಗಿ ನಡೆಯುವ ಇತರ ಸಮಾರಂಭಗಳಲ್ಲಿ ಆಯುಧಪೂಜೆ ಮತ್ತು ಗೋಪೂಜೆಗಳನ್ನು ಹೆಸರಿಸಬಹುದು. ಪಟಾಕಿಗಳನ್ನು ಸ್ಫೋಟಿಸುವುದು ದೀಪಾವಳಿಯ ಆಚರಣೆಯ ಒಂದು ಭಾಗವಾಗಿದೆ. ವಿಶೇಷವಾಗಿ  ಅಮಾವಾಸ್ಯೆಯಂದು ಆಚರಿಸಲಾಗುವ ಲಕ್ಷ್ಮಿ ಪೂಜೆ ಮುಖ್ಯವಾದದ್ದು. ಯಾವ ದೇಶದಲ್ಲೂ ಕೂಡಾ ಈ ಸಂಪ್ರದಾಯ, ಸಂಭ್ರಮ ಇಲ್ಲ ಅನಿಸುತ್ತೆ. ಇಡಿ ನಾಡಿನಾದ್ಯಾಂತ ಪ್ರತಿಯೊಂದು  ಮನೆಯಲ್ಲೂ ಆಚರಿಸುವ ಈ ಹಬ್ಬ ಬದುಕನ್ನು ಕತ್ತಲಿಂದ ಬೆಳಕಿನೆಡೆಗೆ ಕೊಂಡೊಯ್ಯುವ ಹಬ್ಬ.

"Space World" ಎಂಬ ಅದ್ಭುತ ಲೋಕ

"Space World" ಇದು Kitakyushu ನಗರದ ಮತ್ತೊಂದು ಆಕರ್ಷಣೆ ಮತ್ತೆ ಇದು Kyushu ದ್ವೀಪದಲ್ಲಿ ಪ್ರಸಿದ್ದವಾದ Theme Park ಆಗಿದೆಯಂತೆ. ಇಲ್ಲಿ ಮನೋರಂಜನೆಗಾಗಿ Roller coasters, Water ride, Boating, 3-D Cinema, Aquarium ಮತ್ತು Space dome ಎಂಬ ಭವ್ಯವಾದ ಮನೆಯಲ್ಲಿ "Blackhole Scramble" ಮತ್ತು "Mission to Mars" ಹಾಗೂ ಮಕ್ಕಳ ಮನೋರಂಜನೆಗಾಗಿ ನಾನಾ ಬಗೆಯ ಆಕರ್ಷಣೆಗಳಿವೆ.

ಜುಲೈ ೧೮ ರಂದು ನಾನು ಮತ್ತು ನನ್ನ Husband ಈ "Space world theme park ನೋಡುವ plan ಮಾಡಿ ಅಂದು ಬೆಳಿಗ್ಗೆ ೯-೩೦ ಗೆ ನಮ್ಮ ಮನೆ ಹತ್ತಿರದ Orio station ದಿಂದ ಪ್ರಯಾಣ ಬೆಳೆಸಿದೆವು. Orio station ದಿಂದ ಇದು ೧೫ ನಿಮಿಷ ದೂರ ಇದೆ. ಒಂದು ದಿವಸದ ಟಿಕೆಟ್ ಪಾಸು ತೊಗೊಂಡು ಒಳಗಾ ಪ್ರವೇಶಿಸಿದಾಗ ವಿಸ್ಮಯ ಲೋಕಕ್ಕೆ ಹೋದಂತೆ ಅನುಭವವಾಯಿತು. ಈ ಪಾರ್ಕನ್ನು ಒಂದು ದಿನದಲ್ಲಿ ನೋಡೋಕಾಗಲ್ಲ. ಅದಕ್ಕೆ ನಮಗೆ ಸಾಧವಾದಷ್ಟು ನೋಡೋಣ ಅಂತ ನಿರ್ಧಾರ ಮಾಡಿದ್ವಿ. ಮೊದಲಿಗೆ ನಾವು ride ಮಾಡಿದ್ದು "Venus GP" roller coaster. OMG! ಇದು ಎದೆ ಝಾಲ್ಲೆನಿಸುವ ಆಟ. ಇದಲ್ಲದೆ "Clipper" roller coaster ಮತ್ತು "Space eye" ಎಂಬ ದೊಡ್ಡ ಚಕ್ರದಲ್ಲಿ ಕುಳಿತು enjoy ಮಾಡಿದ್ವಿ.

 "Venus GP" roller coaster

 Space Eye

 "Titan V" and "Zaturn" ಎಂಬ ಇನ್ನೂ ಎರಡು roller coaster ಇದ್ವು, ಆದ್ರೆ ಎತ್ತರ ಜಾಸ್ತಿ ಇದ್ದಿದ್ದರಿಂದ ಅವುಗಳಲ್ಲಿ ಕುಡೋಕೆ ಹೆದರಿಕೆ ಅಯೀತು. ನೀರಿನ ಆಟಗಳಲ್ಲಿ ನಮಗೆ "Planet AQA" ಅನ್ನೋ ನೀರಿನ ಕೊಳದಲ್ಲಿ Boating ತುಂಬಾ ಸಂತೋಷ ಕೊಟ್ಟಿತು.  

We at "Twin Mercury" water ride.

 "Planet AQA" water ಪೂಲ್

 ಈ ಪಾರ್ಕಿನ ಮಧ್ಯದಲ್ಲಿ "Space dome" ಅಂತ ಒಂದು ದೊಡ್ಡ ಮನೆ ಇದೆ. ಅದ್ರಲ್ಲಿ ನಾವು "Mission to Mars" show ಮಾತ್ರ ವಿಕ್ಷಿಸಿದ್ವಿ. ಇದ್ರಲ್ಲಿ ಒಂದು planetarium screen ಇದೆ. ಅದರ ಮುಂದೆ ಆಕಾಶದಲ್ಲಿ ಪ್ರಯಾಣ ಮಾಡೋ ಅನುಭವ ಕೊಡುವ ವಾಹನದಂತ ವ್ಯವಸ್ತೆ ಇದೆ. ಅಲ್ಲಿ ಕೂತು ನಮಗೆ ಭೂಮಿಯಿಂದ ಮಂಗಳ ಗ್ರಹಕ್ಕೆ ಹೊರಟಂತ ಅನುಭವವಾಯಿತು.

ಇನ್ನು ಸಾಕಷ್ಟು ನೋದೊದಿತ್ತು ಆದ್ರೆ ಇಸ್ಟೇ ನೋಡೋದ್ರಲ್ಲಿ ವೇಳೆ ಸಂಜೆಯಾಗಿತ್ತು. ಅಲ್ಲೇ ಇರೋ ಚಿಕ್ಕ ಹೋಟೆಲ್ನಲ್ಲಿ juice ಕುಡಿದ್ವಿ. ಸಕ್ಕತ್ತ್ enjoy ಮಾಡಿ ಮನೆಯ ದಾರಿ ಹಿಡಿದೆವು. One family trip ಗೆ ಇದು ತುಂಬಾ ಒಳ್ಳೆ ಸ್ಥಳ ಅಂತ ಹೇಳಬಹುದು.

ನನ್ನ ನೆಚ್ಚಿನ KSN ಅವರ ಕವನ

ನಿಜದ ಸಂತಸದಲ್ಲಿ ಬಿರಿದ ಮಲ್ಲಿಗೆಇಂದ ಬರುವ ಕಂಪಿನ ಹೆಸರು ಪ್ರೇಮವೆಂದು,

ನೀಲಾಂತರಿಕ್ಷದಲಿ ಹೊಳೆವ ನಕ್ಷತ್ರಗಳ ಕಣ್ಣಸನ್ನೆಯ ಹೆಸರು ಪ್ರೇಮವೆಂದು.

ಹಸಿರು ಬಯಲಿಗೆ ಇಳಿದ ಬಿಳಿಬಿಳಿಯ ಹಕ್ಕಿಗಳ ದೂರದಿಂಪಿನ ಹೆಸರು ಪ್ರೇಮವೆಂದು,

ಮಾಲಗಣ್ಣಿನ ಹೆಣ್ಣೇ ನಿನ್ನ ತುಟಿ ಇಕ್ಕೆಲದಿ ಮಂದಹಾಸದ ಹೆಸರು ಪ್ರೇಮವೆಂದು.

ಯಾವುದೋ ಕನಸಿನಲಿ ಯಾರೋ ಹಾಡಿದ ಹಾಡು ಮಿಡಿದ ಹೃದಯದ ಹೆಸರು ಪ್ರೇಮವೆಂದು,

ಬಳಿಗೆ ಬಾರೆನ್ನವಳೆ ಬಿಗಿದಪ್ಪಿ ಮಾತಾಡು ನಾನದನೆ ಕರೆಯುವೆನು ಪ್ರೇಮವೆಂದು.

ಬಾರೆನ್ನ ಮನದನ್ನೆ ಬರಲಿ ಹತ್ತಿರ ಕೆನ್ನೆ ಮುತ್ತಿನಲಿ ಒಂದಾಗಲೆರಡು ಜೀವ,

ಬಾಳಿನೇರಿಳಿತಗಳ ಮುಗಿಯದಿರದ ಪಯಣಕ್ಕೆ ಶುಭವ ಕೋರಲಿ ಸುಳಿದು ಧನ್ಯಭಾವ

                                    ------------- ಕೆ. ಎಸ್. ನರಸಿಂಹಸ್ವಾಮಿ. 

Green park visit.....

ಅಕ್ಟೋಬರ್ 10, ಅಂದು ರವಿವಾರ ನಾನು ಮತ್ತು ನನ್ನ husband ಇಬ್ಬರು Green park ನೋಡಲು ಹೋದೆವು. Green park ಇದು Kitakyushu ನಗರದ ಆಕರ್ಷಣೀಯ ಸ್ಥಳಗಳಲ್ಲಿ ಒಂದು. ಅದು ಅತ್ಯಂತ ಆಕರ್ಷಣೀಯ ತಾಣ. ಬಣ್ಣ ಬಣ್ಣದ ಹೂಗಳು ಮನಸ್ಸಿಗೆ ಉಲ್ಲಾಸ ಕೊಡುತ್ತವೆ. ಹೆಸರಿಗೆ ತಕ್ಕಂತೆ ಎಲ್ಲಿ  ನೋಡಿದರು ಹಸಿರು. ನಾನಾ ಬಗೆಯ ಹೂಗಳು. ಇಲ್ಲಿ ಇವುಗಳನ್ನೂ ಕಾಯಲು ಕಾವಲುಗಾರರು ಇರಲ್ಲಿಲ್ಲ. ಎಲ್ಲರೂ ಮಕ್ಕಳಿಗೆ ಸರಿ, ತಪ್ಪುಗಳ ತಿಳುವಳಿಕೆ ಸಣ್ಣ ವಯಸ್ಸಿನಿಂದಾ ಮನವರಿಕೆ ಮಾಡಿಸಿರುತ್ತಾರೆ. ಹಾಗಾಗಿ ಯಾರು ಕೂಡಾ ಹಾಳು ಮಾಡುವುದಿಲ್ಲ. ನನಗೆ ನೋಡಿ ತುಂಬಾನೇ ಖುಷಿ ಆಯಿತು ಮತ್ತೆ ಕೆಲವು ಫೋಟೋ ತೆಗೆದುಕೊಂಡ್ವಿ.

 

ಗುಲಾಬಿ ಹೂತೋಟದಲ್ಲಿ ತೆಗೆದ ಕೆಲವು ಫೋಟೋಗಳು.....

 

Green park ನ ಮತ್ತೊಂದು attraction ಅಂದ್ರೆ "Tropical house". ಇಲ್ಲಿ Tropical climate ನಲ್ಲಿ ಬೆಳೆಯುವಂತ ವಿವಿಧ ಸಸ್ಯಗಳನ್ನೂ ಬೆಳೆಸಿದ್ದಾರೆ ಮತ್ತು ಕೆಲವು ಪಕ್ಷಿಗಳು, ಬಣ್ಣ ಬಣ್ಣದ ಚಿಟ್ಟೆಗಳು, ಆಮೆ, ಮೀನು ಹೀಗೆ ಎಲ್ಲವನ್ನು ಸಾಕಿದ್ದಾರೆ. ಹಸಿರು ಗಿಡ, ಬಳ್ಳಿ, ನೀರಿನ ಜರೀ, ನನ್ನ ಮುಂದೇನೆ ಹಾರಾಡುವ ಚಿಟ್ಟೆಗಳು ಮತ್ತು ಪಕ್ಷಿಗಳು ಇವುಗಳನ್ನು ನೋಡಿ ನನಗೆ ಒಂದು ಕ್ಷಣ, ಎಲ್ಲಿ ಕಾಡಿನೊಳಗೆ ಬಂದಿದಿವೋ ಅಂತಾ ಅನುಭವವಾಯ್ತು. ಇದು ನಿಜವಾಗಲು ಅಸ್ಟೊಂದು ಸುಂದರವಾದ ಸ್ಥಳ.

 

ನೋಡುನೋಡುತ್ತ ಸಮಯ ಹೋಗಿದ್ದೆ ಗೊತ್ತಾಗ್ಲಿಲ್ಲ. ಸಾಯಂಕಾಲ 6-30 ಕ್ಕೆ ಅಲ್ಲೆ ಕಾಫಿ ಕುಡಿದು ಮನೆಗೆ ಬಂದೆವು. 

ಜಪಾನ ದೇಶದಲ್ಲಿ ನಾನು ಕಾಲಿಟ್ಟ ಮೊದಲದಿನಗಳ ಅನುಭವಗಳು.

ಜಪಾನ ನೋಡಲು ತುಂಬಾ ಸುಂದರ. Kitakyushu, ಇದು ಈಗ ನಾವಿರುವ ಊರಿನ ಹೆಸರು. ಕೇಳಲು ವಿಚಿತ್ರ ಅನಿಸಿದರು ಈ ಹೆಸರಿನಲ್ಲಿ ಒಂದು ಅರ್ಥ ಇದೆಯಂತೆ. ಈ ದೇಶದ ನಾಲ್ಕು ಮುಖ್ಯ ದ್ವೀಪಗಳಾದ "Honshu", "Hokkaido", "Shikoku" ಮತ್ತು "Kyushu" ಗಳಲ್ಲಿ ಒಂದಾದ "Kyushu" ದ್ವೀಪದ ಈ ಊರು ಇದ್ದು Japanese ಭಾಷೆಯಲ್ಲಿ ಉತ್ತರ ದಿಕ್ಕಿಗೆ "Kita" ಅನ್ನುತರಂತೆ. ಅದಕ್ಕಾಗಿ ಈ ಊರಿನ ಹೆಸರು Kitakyushu (ಉತ್ತರ Kyushu). Kitakyushu ನಗರದ ಪ್ರಮುಖ ಆಕರ್ಷಣೆಗಳೆಂದರೆ "Space world", "Green park", "River walk mall", "Sarakura mountain" ಮತ್ತು "Kokura castle".

ಮೊದಮೊದಲಿಗೆ ಮನಸ್ಸಿಗೆ ಏನೋ ಒಂದು ಉಲ್ಲಾಸ, ಬೇರೆ ದೇಶದಲ್ಲಿದ್ದೆನೆಂಬ ಹೆಮ್ಮೆ. ನಂತರ ಕೆಲವು ದಿನಗಳು ಹೀಗೆ  ಕಳೆದೆ. ನನ್ನ husband  ಬೆಳಿಗ್ಗೆ 9-30 ಕ್ಕೆ ಹೋದರೆ ಬರೋದು ಸಯಂಕಾಲ 7-30 ಕ್ಕೆ. ಅಲ್ಲಿಯವರೆಗೂ ಸಮಯ ಕಳೆಯಲು ತುಂಬಾ ಬೇಜಾರ ಆಗ್ತಿತ್ತು, ಇಲ್ಲಿ ಯಾರು ಇಂಗ್ಲಿಷ್ ಮಾತನಾಡುವುದಿಲ್ಲ. ಎಲ್ಲರು Japanese ಭಾಷೆ ಮಾತನಾಡುವರು. ಹೀಗಾಗಿ ನನಗೆ ತುಂಬಾನೆ ಕಷ್ಟ ಅನಿಸಿತ್ತು. ಭಾಷೆ ಬರದೆ ನಾನು ಅವರೊಂದಿಗೆ ಹೇಗೆ ತಾನೆ ಸ್ನೇಹ ಮಾಡಲು ಸಾಧ್ಯ. ಸ್ವಲ್ಪಾ ಕಷ್ಟನೆ. ಆದ್ರೆ  ಫ್ರೆಂಡ್ಸ್ ಇಲ್ದೆ ಬದ್ಕೋದು ಅಸಾದ್ಯ. 2ನೇ ವಾರ ನನ್ನ  husband Japanese ಕ್ಲಾಸ್ಗೆ ಕಳಿಸಿದರು. ಏಕೆಂದರೆ ಇಲ್ಲಿ Japanese ಭಾಷೆ ಕಲಿಯದೇ ಇದ್ದರೆ ದಿನನಿತ್ಯದ ಜೀವನ ಕಷ್ಟ. ಅಲ್ಲಿಗೆ ನನ್ನ ಹಾಗೆ ವಿದೇಶಿ ಜನರು Japanese ಭಾಷೆ ಕಲಿಯಲು ಬಂದಿದ್ದರು. ಅವರಲ್ಲಿ Charlott ಎಂಬವಳು ಪರಿಚಯ ವಾದಳು. ಅವಳು ಫ್ರಾನ್ಸ್ ದೇಶದವಳು. ಒಂದೆರಡೆ ವಾರಗಳಲ್ಲಿ ತುಂಬಾನೇ ಕ್ಲೋಸ್ ಫ್ರೆಂಡ್ ಆದ್ಲು. ಶುಕ್ರುವಾರ ಮಾತ್ರಾ ಕ್ಲಾಸ್ ಇರ್ತಿತ್ತು.  ಮತ್ತೊಬ್ಳು Israel ದಿಂದ ಬಂದ "Mai" ಅಂತ. ಅವಳು ಕೂಡಾ ಫ್ರೆಂಡ್ ಆದಳು. ಆಗ ನನಗೆ ತುಂಬಾನೇ ಕುಷಿ ಆಯಿತು. ಇಬ್ರು ಒಳ್ಳೆ ಫ್ರೆಂಡ್ಸ್, ಒಂದಿನಾ ನಮ್ಮ ಮನೆಗೆ ಒಂದಿನ ಅವ್ರ ಮನೆಗೆ ಹೀಗೆ ಮಸ್ತಿ, ಮಜಾ, ಶಾಪಿಂಗ್ ಅಂತಾ ಎಂಜಾಯ್ ಮಾಡ್ತಾ ಇದ್ದಿವಿ.

ನನ್ನ ಫ್ರೆಂಡ್ಸ್ ಮಸಾಲೆ ದೋಸೆ ಸವಿಯುತ್ತ ಎಂಜಾಯ್ ಮಾಡುತ್ತಿದ್ದಾರೆ.

Japanese ಭಾಷೆ ಮೊದ್ಲು ಕೇಳಲು ಇದ್ಯಂತ ಭಾಷೆ ಅರ್ತನೆ ಆಗೋಲ್ಲ ಅಂತಾ ಅನ್ಕೊಂಡಿದ್ದೆ. ಆದರೆ ನಮ್ಮ Japanese ಕ್ಲಾಸಿನಲ್ಲಿ English to Japanese ಟೀಚ ಮಾಡಿದ್ರು, ಅದು ತುಂಬಾನೇ ಇಷ್ಟಾಆಯಿತು. ನಾನು ಮೊದಲು ಕಲಿತ ನಾಲ್ಕು ಪದಗಳು....

1. Ohayo gozaimas ಅಂದ್ರೆ Good morning
2. Konnichiva ಇದು Hello good afternoon
3. Sumimasen ಅಂದ್ರೆ Excuse me ಮತ್ತು 
4. Arigato gozaimas ಅಂದ್ರೆ Thank you.